Лидерот Преспа со „петарда“ го декласираше Демир Хисар, откако на Градскиот стадион во Ресен, екипата на Преспа со 5:0 беше пресилна, а во рамки на 13. коло на Трета лига – Југозапад.
Двојни стрелци за Преспа беа Нико Пласиновски и Неџми Реџепи, а еден гол постигна и Ергим Дафто во 87. минута за печат на убедливата победа.
Славеј не признава фаворити, а денес на домашниот терен во Мешеишта со 2:0 го совлада фаворитот Кораб од Дебар. Стефан Бушиновски во 26. минута го отвори резултатот, а пак Димитар Аќимовиќ во 70. минута ги постави конечните 2:0 за големи три бодови на тимот на Славеј.
Велешта и Кравари ги поделија бодовите откако двете екипи ремизираа играјќи 1:1. Двата гола беа постигнати на почетокот од мечот, по што резултатот потоа „замрзна“. Мартин Селјанковски во 13. минута погоди за 0:1, а пак Елмаз Шеи две минути подоцна постигна гол за конечни 1:1.
Караорман преку двата гола на Ненад Балоски постигнати во првиот дел од мечот триумфираше над Света Троица од Охрид со 2:0.
Во натпревари со седум погодоци екипата на Евротип беше подобра со 4:3 против Влазними од Струга. Домашниот тим до победата дојде преку пресврт откако на полувреме имаше 1:2.
Двојни стрелци за домашниот тим беа Иванчо Јовановски и Стефан Бончаноски, а пак за гостинот двапати погоди Сундим Фејза, а еден гол постигна Рејхан Џелеши.
Во рамки на оваа рудна слободна беше екипата на Сатеска од Волино.
