Во Гевгелија беше комплетирано 15. коло на Првата футсал лига, откако Проект забележа убедлива победа како фаворит од 9:0 над Железарец, со што некогашниот шампион на Македонија, екипата која играше и во Лигата на шампионите ќе испадне во Втората футсал лига.
На мечот во Гевгелија во првиот дел беа постигнати пет погодоци, а во вториот уште четири за конечните 9:0 и висока победа за Проект, со што тимот од Валандово сега е на второто место во Првата футсал лига.
Двојни стрелци беа Ѓорги Коцевски, Трајче Димитриев и Тодор Андонов, а по еден гол постигнаа Горан Стојанов, Мирко Соколов и Кристијан Гавровски.
Извештајот за останатите натпревари можете да го прочитате овде.
Шампионот Форца ја одбрани титулата низ доминантна сезона и освојува втора титула во низа и одново ќе игра во Европа.
- ЦЕЛА ТАБЕЛА ВО ПРВАТА ФУТСАЛ ЛИГА НА ТРИ КОЛА ДО КРАЈОТ ОД ШАМПИОНАТОТ:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | КМФ ФОРЦА 2015 | 15 | 14 | 0 | 1 | 101 | 43 | +58 | 42 |
| 2 | КМФ ПРОЕКТ | 15 | 8 | 2 | 5 | 55 | 35 | +20 | 26 |
| 3 | КМФ КЛИМИ Кавадарци | 15 | 7 | 3 | 5 | 67 | 50 | +17 | 24 |
| 4 | КМФ ШКУПИ 1927 ДОО | 15 | 7 | 0 | 8 | 62 | 58 | +4 | 21 |
| 5 | КМФ ОСОГОВО 2022 Крива Паланка | 15 | 6 | 3 | 6 | 57 | 55 | +2 | 21 |
| 6 | КМФ БУТЕЛ 2022 | 15 | 5 | 3 | 7 | 55 | 53 | +2 | 18 |
| 7 | ФК ЦРНА РЕКА/КМФ | 15 | 5 | 3 | 7 | 54 | 67 | -13 | 18 |
| 8 | КМФ ЈУВЕНТУС СЕРАВА(-3) | 15 | 6 | 2 | 7 | 57 | 68 | -11 | 17 |
| 9 | КМФ КЕГИ-МОБИ Велес | 15 | 5 | 2 | 8 | 50 | 76 | -26 | 17 |
| 10 | КМФ ЖЕЛЕЗАРЕЦ | 15 | 3 | 0 | 12 | 27 | 80 | -53 | 9 |
