На три кола до крајот официјално Форца е старо-нов шампион во Првата футсал лига на Македонија.
Форца вечерва со 4:5 славеше против Бутел победа со која ја одбрани титулата во футсал елитата на Македонија. Првиот дел беше неизвесен резултатот беше 1:1, а во вториот дел Форца го доби мечот.
За домаќинот во првиот дел погоди Филип Јаневски, а во вториот дел стрелци беа Ненад Тодоровски, Никола Илијоски и Зоран Тасески, а пак за шампионот Форца двоен стрелец беше Јасир Зекири, кој еден гол постигна во првиот, а еден гол во вториот ден, а стрелци беа и Иван Крстевски, Берат Рамадани и Артин Јунузи, откако стрелаа во вториот дел од мечот.
На овие 15 одиграни натпревари шампионот Форца има 14 победи и еден пораз, го има најефикасниот напад со постигнати 101 гол.
Црна Река на домашен терен со 5:3 го доби тимот на Јувентус Серава, важна победа за тимот од Кавадарци во трката за опстанок во Првата футсал лига.
Андреј Јаневски и Петар Ристовски беа двојни стрелци за домашниот тим, а еден гол во вториот дел постигна и Зоран Павлов. За гостинската екипа по еден гол постигнаа Керим Мамуд во првиот дел, а во вториот дел стрелаа Сами Аљиљи и Армандо Алијевиќ.
Клими го доби дербито со Осогово од Крива Паланка со 3:2 со што тимот од Кавадарци сега е на второто место на табелата.
До победата Клими дојде преку пресврт. Михаил Павловски постигна гол во 3. минута за 0:1, пет минути подоцна Петар Левков постигна гол за 1:1, а пак во 16. минута Никола Стојмировски погоди за 1:2 на полувреме.
Во вториот дел со два брзи гола на Мартин Никовиќ екипата на Клими направи пресврт за победа.
Претходно, како што веќе информираше Спортска Мрежа, екипата на Шкупи со 4:6 загуби од Кеги Моби на домашен терен. Двојни стрелци за Шкупи беа Зекир Зејнели и Бурак Мемедов, додека пак за гостинската екипа двоен стрлец беше МохамедАхмедов, а по еден гол постигнаа Бобан Дукадиновски, Ангел Гаштев и Кирил Ивановски, а пак Дионис Укшини си постигна автогол.
Колото ќе се комплетира утре со мечот во Гевгелија меѓу Проект и Железарец кој е пред испаѓање во Втора лига.
