Во Спортскиот центар Аеродром во склоп на ООУ „Блаже Коневски“ во општина Аеордром, Скопје, се одигра хуманитарен меѓународен натпревар помеѓу екипите ФК Бигорски – духовни чеда на Манастирот Св. Јован Бигорски и гостите од Република Србија – поклоничко друштво Пут на Свету Гору.
Хуманитарен меѓународен натпревар во духот на заедништвото, солидарноста и љубовта за настраданите во Кочани! Победник на натпреварот беше гостинската екипа Пут на Свету Гору.
„Упатуваме голема благодарност до гостите од Србија, како и до сите учесници, публиката и сите хумани луѓе што помогнаа и донираа“, велат од ФК Бигорски.
Сите собрани средства од овој хуманитарен натпреварот кој беше одигран во саботата ќе бидат наменети за семејствата на настраданите од големата трагедија која се случи во дискотеката во Кочани, каде животот го загубија 59 лица.
