Во рамки на 13. коло на Третата лига младинци екипата на Новаци со убедливи 5:0 го декласираше Силекс на домашен терен.
Екипата на Новаци ја продолжува одличната игра во тековната сезона, тимот е лидер на табелата со 33 бодови на своето конто, пет повеќе од Силекс кој е втор со 28 бодови.
Наместо дерби, убедлива победа и доминација на фудбалерите на Новаци. Само девет минути беа потребни за Новаци да дојде до висока предност од 3:0.
Андреј Кузмановски по една минута погоди за 1:0, а веќе во седмата минута Димитар Стојановски со гол од пенал погоди за 2:0, а по две минути Антонио Давчев постигна гол за 3:0 на полувреме.
Во вториот дел Здравко Најдовски погоди од белата точка за 4:0, а во 62. минута Дарко Алексовски постигна гол за конечни 5:0.
Во следното коло Новаци ќе игра против Струга Трим Лум, а пак Силекс на домашен терен во Кратово ќе го пречека тимот на Арсими.
