Судиите за плеј-офот и плеј-аутот за ракометната Суперлига ќе се делегираат преку ждрепка, односно нема да биде како до сега со тој стандарден или класичен начин на делегирање.
Преку ждрепка беа делегирани судиите за првото коло од плеј-офот односно плеј-аутот на Суперлигата, а ждребувањето за судиите можеше да се следи и во живо преку пренос од Ракометната федерација на Македонија, а исто ждрепката беше извршена во „куќата на ракометот“.
Процесот на ждребување за судиите го водеше претседателот на Натпреварувачката комисија, Бобан Мајнов.
- ИЗВЛЕКУВАЊЕ НА СУДИИТЕ ЗА ПРВОТО КОЛО НА ПЛЕЈ-ОФОТ И ПРЕЈ-АУТОТ ПРЕКУ ЖДРЕПКА:
Дербито меѓу Вардар и Алкалоид од првото коло на плеј-офот ќе го судат Ѓорѓи Начевски и Славе Николов, натпреварот меѓу Бутел и Охрид ќе го судат Исмаил Металари и Ненад Николовски, а пак Михајлов Илиевски и Методија Илиевски ќе го судат мечот меѓу Тиквеш и Еурофарм Пелистер.
Натпреварот меѓу Куманово и Радовиш од првото коло на плеј-аутот ќе го судат Виктор Андонов и Стојанче Јовановски, за правдата на дуелот меѓу Пролет и Струга ќе бидат задолжени Ѓоко Колевски и Сашо Кркачев. Ждрепката посака Дејан Георгиески и Димитар Георгиевски да ја делат правдата на мечот меѓу Прилеп и Борец Ф.Л.
Натпреварите од првото коло на плеј-офот односно плеј-аутот ќе се играат во среда и четврток.
