Прекинатото коло во Првата и Втората футсал лига на Македонија, кое беше одложено поради големата трагедија во Кочани, ќе биде комплетирано со натпреварите закажани за понеделник и вторник.
Во Втората футсал лига ќе се доигра 16. коло. Во понеделник, Каршиака ќе се соочи со Конзули, а Овче Поле ќе игра против Победа од Прилеп. Ден подоцна, во вторник, Карадаку ќе ги одмери силите со Кораби. Од оваа рунда веќе се одиграни три натпревари:
-
СЕЕ Университи убедливо го победи ССК Скопје со 10:4,
-
Балкан го изненади лидерот Мал Ајакс од Штип со 6:2,
-
Кратово беше доминантен против Партизан Југ од Брвеница со 8:0.
Во Првата футсал лига останува да се комплетира 14. коло. Во понеделник, Железарец на домашен терен ќе го пречека Клими од Кавадарци, додека Осогово во Крива Паланка ќе се сретне со Бутел. Во вторник, последниот меч од колото ќе го одиграат Кеги Моби и Јувентус Серава. Во ова коло се одиграа два натпревари:
-
Фроца со 10:3 беше далеку подобра од Црна Река,
-
Проект славеше против Шкупи со 6:4.
Со овие натпревари ќе се заокружи колото, а екипите ќе продолжат со битката за бодови во двете конкуренции.
