Со убедлива победа од 0:8 екипата на Вардар предводена од Теодора Димитровска го декласираше дебитантот Слободен во воведниот меч од 10. коло на Втората женска фудбалска лига.
Голем хендикеп за екипата на Слободен беше тоа што на денешниот терен настапи со 11 фудбалери, односно без ниту една фудбалерка на клупата за резерви и фактот што домаќинот не можеше да ротира дополнилно влијаеше на овој голем пораз.
Разликата во квалитет меѓу Слободен и Вардар е огромна и сосема беше очекувана оваа висока победа за девојките на Димитровска.
Резултатот го отвори искусната Теодора Јанковска која по само три минути игра погоди за 0:1 и водство на Вардар, а веќе во 5. минута од мечот резултатот беше 0:2, откако гол постигна Анастасија Милановска. До крајот на првиот дел Натали Павловска капитулираше по третпат, откако Јанковска постигна втор гол за 0:3 на полувреме.
Во вториот дел продолжи да се тресе мрежата на Слободен, откако Ива Новак постигна два гола во десет минути за 0:5, а до крајот на мечот стрелаа и Матеја Анчевска, Миа Закев и Мирјана Ѓеровска за конечни 0:5.
Екипата на Вардар сака да го сочува второто место кое води кон баражот за можен влез во Прва лига, а притоа да го напаѓа и првото место, а пак Слободен и натаму е единствен тим кој не се израдувал на триумф.
Правдата на мечот ја делеше Моника Даштевска, а нејзини помошници беа Бојан Божиновски и Алекснадар Нешковски, а пак контролор на мечот беше Музафер Исмаили.
