Трето полувреме на натпреварот меѓу Башкими 2008 и Младост од Кривогаштани, кој се одигра на 9. март, а во рамки на 15. коло на Третата македонска фудбалска лига – Југ.
Овој натпревар заврши со минимална победа за екипата на Башкими 2008 кој на теренот во населба Чашка со голот на Зани Ахмедовски во 73. минута забележа победа од 1:0.
Но, по натпреварот двајца фудбалери од двете екипи пријавиле дека се физички нападнати.
„На 09.03.2025 во 21.10 часот во Полициската станица Крушево, В.П.(30) од Крушево пријавил дека околу 15.35 часот за време на одигрување на првенствен фудбалски натпревар од Трета лига Југ на стадионот во населба Чашка помеѓу екипите на ФК Башкими 2008 од Горно Јаболчиште и ФК Младост 1930 од село Кривогаштани, тој како играч на ФК Младост 1930 бил физички нападнат од В.Ј.(29 год) од Горно Јаболчиште – играч на домашната екипа ФК Башкими 2008. Во врска со настанот, на 10.03.2025 во СВР Велес и В.Ј. пријавил дека за време на натправерот бил физички нападнат од В.П“, велат од СВР Велес.
Во официјалниот записник од натпреварот стои дека во 81. минута од натпреварот фудбалерот со број 16 на домашната екипа добил црвен картон, а причината за доделување на истиот како што е наведено во самиот записник е поради насилничко однесување, односно намерно удирање на шамар на фудбалерот број 3 од гостинската екипа.
Се превземат мерки за расчистување на случајот.
