Шампионот Ѓорче Петров кој е лидер на табелата во плеј-офот на женската ракометна Суперлига, во рамки на 8. коло на домашен терен ќе го пречека Вардар. „Лавиците“, кои имаат максимален ефект со осум победи од осум натпревари, ќе продолжат со напад за нов триумф, додека Вардар ќе се бори за својата втора победа во плеј-офот.
Ракометарките на Астибо ќе се соочат со тежок предизвик со гостуваат кај фаворизираниот тим на Чаир. Токму Чаир, кој сака да го сочува второто место, ќе се обиде да го постигне шестиот триумф во плеј-офот. Во исто време, Астибо, кој се наоѓа на дното без бодови, ќе се бори за првиот позитивен резултат, но ќе биде многу тешко за било какво изненадување пред се поради огромната разлика во квалитетот.
Металург Автокоманда ќе ги пречека ракометарките на Куманово на домашен терен, каде што мора да победат за да останат во трката за второто место. Куманово, пак, доаѓа со самодоверба по изненадувањето во Автокоманда.
Фаворитската улога ќе ја има екипата на Металург Автокоманда.
Во рамки на 2. коло на плеј-аутот на женската ракометна Суперлига, ракометарките на Овче Поле ќе гостуваат кај Пелистер во Битола, кои го играат својот прв натпревар откако беа слободни во првото коло. Овче Поле ќе се обиде да го продолжи победничкиот тренд откако победија во првото коло против Стружанка.
Екипата на Шампион на домашен терен ќе се соочи со Деспина, каде домаќинот ќе се обиде да дојде до првите бодови по поразот во првото коло од Спартак. Деспина, пак, ќе се обиде да дојде до првата победа.
Стружанка ќе го пречека Спартак на домашен терен во тежок меч, каде што домаќинот ќе настојува да се опорави од големиот пораз во претходното коло, додека Спартак ќе атакува на нов триумф во борбата за првото место во плеј-аутот.
Во второто коло на плеј-аутот, екипата на Ѓорче Петров 2 ќе биде слободна.
