Со прво одлично и второ лошо полувреме, Македонија загуби од Словенија во Скопје со 26:32 во рамки на квалификациите за Европското првенство кое се игра во 2026 година.
Избраниците на селекторот Кирил Лазаров имаше одлично прво полувреме откако мечот го отворивме со 2:0, а потоа имавме серија од плус четири за 7:3, па на два наврати имавме и плус шест при 10:4 и 11:6, за потоа Словенија во неколку серии дојде до 16:15 на полувреме.
Дополнителен проблем за Македонија беше црвениот дактон на Карасманакис во 21. минута.
Во вториот дел Словенците стигнаа до серија од плус два при 20:22, а потоа имаа серија и плус пет за 22:27 и тука веќе противникот започна да има контрола над резултатот, за на крај конечниот исход да биде победа за Словенија од конечни 26:32.
Филип Кузмановски беше најдобар стрелец со десет гола, Марко Митев постигна пет гола, додека пак кај Словенија најдобар беше Алекс Влах со десет гола, а пак Блаж Јанц постигна седум гола. Дополнително заа Словенија предност беше расположениот голман Јоже Базник кој имаше 12 одбрани пред се во клучни моменти од натпреварот кој се играше во Скопје.
Следен натпревар за Македонија ќе биде против Словенија на 16. март на гостински терен.
