ТАБЕЛА: Станува „комплицирано“ за местата кон Прва лига, Вардарски, Борец и Осогово околу баражот!

Вчерашното 20. коло на Втората лига ги направи работите да бидат уште повеќе „комплицирани“ околу местата за влез во Првата лига.

Македонија ЃП е лидер со 45 бодови, но толку сега има и Башкимии кој е втор на табелата, што значи овие две екипи се израмнети на табелата, а пак во бараж зоната со 43 бодови е Брегалница. Покрај овие три екипи во трката за местата кон Прва лига влегува и Арсими кој е на 4. место со 39 бодови. Не е голема разликата од четвртото до првото место, ако се знае дека првите две места обезбедуваат директен влез во Прва лига, а третото место игра бараж за можен влез во Прва лига.

„Лавовите“ не се во тој победнички ритам како во есенскиот дел и прокоцнаа голема бодовна залиха, па сега се втурнаа во ситуација каде веќе немаат право на грешка.

Македонија ЃП, Башкими, Брегалница и Арсими ќе бидат екипите кои веќе се одвоија и ќе водат борба за влез во Прва лига.

Од петтото место па до десеттото место каде што е Беласица веќе има конфорна зона каде овие екипи немаат загрозен опстанок и ќе имаат мирна завршница од сезоната.

Саса е петта со 32 бодови, Охрид е шестти со 31 бод, а по 30 бодови имаат Детонит Плачковица, Скопје и Кожуф, а пак Беласица е десетта со 25 бодови.

Победа е на 11. место со 21 бод, а по 20 бодови имаат Новаци и Вардар Неготино. Во бараж зоната е Осогово со 13 бодови, а во зоната за директно испаѓање во Трета лига е Борец како претпоследен со 10 бодови и Вардарски кој е на дното со осум бодови.

• ЦЕЛА ТАБЕЛА ОД ВТОРА ЛИГА: