Претседателот на Фудбалската федерација на Македонија, Масар Омерагиќ, во гостување на националниот јавен сервис зборуваше на повеќе теми, а тој откри дека од страна на УЕФА било испратен список до ФФМ со име и презима на личности, за кои постои сомнение дека на одредени натпревари имаат преземено дејствија кои се сомнителни, рече Омерагиќ.
“Имаме добиено допис од одделот за интегритет на УЕФА во кој се посочени одредени личности, со име и презиме, за кои што постои сомнение, што не значи дека е тоа така, но се посочени дека на одредени натпревари имаат преземено дејствија кои се сомнителни. Во соработка со УЕФА тоа ќе го спроведеме до крај. Доколку тие се чувствуваат загрозено поради тоа и мислат дека со напади и разни инсинуации врз нас ќе не предомислат на тој пат, тогаш нивното размислување е тотално погрешно. Натпревари, клубови и имиња. Кога ќе дојде време, ќе ги објавиме”, изјави Масар Омерагиќ.
Натпреварите се од сезона 2023/2024 и претходно, а се однесуваат на натпревари од домашното првенство од Купот на Македонија и некои пријателски натпревари.
