Новиот тренер на Брегалница, Ристе Наумов ја имаше првата изјава по превземањето на тренерското столче на второлигашот од Штип. Наумов имаше победничко деби на тренерската клупа откако со 2:0 Брегалница го совлада „фенерџијата“ Вардарски на домашен терен.
Наумов вели дека играчите после победата против тимот од Богданци ја подигнале самодовербата, додека дека Брегалница ќе оди чекор по чекор.
„Играчите после победата над Вардарски ја подигнаа самодовербата и психолошки се на највисоко ниво. Формата оди во нагорна линија. Распоред на натпревари е добар, одиме чекор по чекор, натпревар по натпревар, максимално концентрирани за секој нареден предизвик. Јас, како шеф на стручниот штаб сум задоволен од залагањето на сите фудбалери во тимот и дисциплината и хемијата која владее во соблекувалната“, вели Наумов.
Веќе утре во рамки на 20. коло Брегалница ќе гостува во Кочани каде ја очекува гостување против тимот на Осогово, кој се бори за опстанок во Втората лига.
