Алдин Хрвановиќ на мечот против Струга Трим Лум го имаше своето деби за Силекс и веднаш постигна гол и асистенција во победата на Силекс над шампионот Струга.
„Ова беше клучен натпревар во сезоната за нас, повторно се доближивме во игра за титулата. Сите играчи беа на своето ниво, постигнав гол на моето деби и асистирав, многу сум среќен поради тоа, ќе дадеме се од себе против Беса за да го продолжиме нашиот позитивен циклус“, рече Хрвановиќ во изјава за клупската страна.
Денес Силекс ќе гостува во Гостивар каде ќе се соочи со Беса, а Хрвановиќ вели дека ќе имаат тешко гостување.
„Имаме тешко гостување вo Гостивар, играме против квалитетна екипа која е во лоша позиција на табелата и која сигурно ќе го даде својот максимум. Ќе дадеме се од себе и се надевам дека ќе го продолжиме нашиот позитивен циклус“, додава Хрвановиќ.
Силекс е втор на табелата со 41 бод и има пет помалку од лидерот Шкендија, а пак Беса е на дното со 15 бодови.
