Овој викенд ќе започне проелтната полусезона во Третата македонска фудбалска лига – Исток со натпреварите од 10. коло. Слога Виница е на врвот од табелата и многу лесно ќе го потврди првото место и со тоа ќе заигра во баражот за можен влез во Втората македонска фудабслка лига.
Тимот до Виница кој го предводи искусниот стратег Емил Грнев е со десеттина класи по квалитет над сите останати проблеми и без проблеми Слога ќе се прошета низ Трета лига – Исток во пролетниот и ќе стане шампион, а потоа ќе игра бараж за Втора лига.
Пролетниот дел Слога Виница го отвара против Малеш од Берово на домашен терен, Овче Поле ќе гостува кај Светлост во Зрновци, на стадионот „Кукуш“ соочување на екс прволигашот Турново против Дојранско Езеро.
Во Делчево ќе се сретнат Брегалница и струмичка Тиверија, додека пак во Пирава силите ќе ги одмерат Ударник и Карбинци.
Сите натпревари од првото пролетно коло ќе започнат во 14:00 часот.
