Во среда се играат натпреварите од вонредното 22. коло на Првата македонска фудбалска лига, а веќе се познати и судиите кои ќе бидат задолжени да ја делат правдата на сите шест прволигашки натпревари.
Во Кавадарци ќе се соочат Тиквеш со Шкупи, каде главен судија ќе биде Влатко Илиоски од Прилеп, главен судија на натпреварот меѓу Пелистер и Воска Спорт ќе биде Фуркан Идризи.
Игор Стојчевски ќе ја дели правдата на мечот меѓу Брера Струмица и Гостивар, скопското дерби меѓу Работнички и Вардар го доби охриѓанецот Фатмир Бафто.
Бењамин Ќерими ќе им суди на Беса и Силекс во Гостивар, а пак дербито покрај езерото меѓу Струга и Шкендија го доби Александар Грујоски.
Натпреварите ќе започнат во 14 часот.
- ДЕЛЕГИРАНИ СУДИИ 22. КОЛО ПРВА ЛИГА:
Тиквеш – Шкупи, Влатко Илиоски (Прилеп)
Пелистер – Воска Спорт, Фуркан Идризи (Тетово)
Брера Струмица – Гостивар, Игор Стојчевски (Скопје)
Работнички – Вардар, Фатмир Бафто (Охрид)
Беса – Силекс, Бењамин Ќерими (Скопје)
Струга Трим Лум – Шкендија, Александар Грујоски (Кичево)
