Фудбалската академија Јанг Тим од Струга направи големи резултати на силниот Меѓународен турнир во Барселона „Fit Promises Edition 25“, каде учествуваа многу силни гиганти меѓу кои Валенсија, Бенфика, Олимпик Марсеј, Виљареал и други фудбалски гиганти.
Јанг Тим успешно ја помина групата фаза со одлични резултати зад себе, а со големиот фудбалски гигант од Франција, Олимпик Марсеј, екипата на Јанг Тим одигра реми без погодоци 0:0.
После групната фаза Јанг Тим со генерација 2013 беше елиминиран од големиот фудбалски гигант од Португалија, екипата на Бенфија.
Уште еден голем успех за Јанг Тим кој е предводен од искусни и лиценцирани тренери Сеит Крера и Милот Лена, што само по себе говори дека оваа фудбалска академија работи одлично и има големи резултати од Меѓународните турнири.
Дополнително, изминатиот период беа поставени и рефлектори на теренот во Мороишта, струшко, каде што работи Јанг Тим со што се овозможуваат услови за тренинг и работа и во вечерни термини, а заложбите на Јанг Тим се академијата да расте и да биде уште подобра.
