Прв сезонски пораз за шампионот Форца откако синоќа со 6:5 загуби од Јувентус Серава во рамки на 13. коло од Првата футсал лига на Македонија.
Јувентус Серава до оваа победа дојде на крилата на Сами Аљиљи кој постигна четири погодоци, сите во второто полувреме, а за домашниот тим по еднаш погодија и Амет Бајрами и Керим Мамуд. За тимот на Форца стрела Берат Рамадани, Јасир Секири и Зоран Левески, а пак Иван Крстевски беше двоен стрелец.
На полувреме резултатот беше 1:2 за Форца, а во вториот дел Јувентус Серава направи комплетен пресврт за конечни 6:5.
Ова беше прв пораз за Форца, но и натаму е лидер со голема бодовна предност и ќе има сигурна одбрана на шампионската титула.
Реми во Кавадарци на Црна Река и Осогово од Крива Паланка за поделба на бодовите откако двете екипи ремизираа играјќи 2:2. За домашниот тим двоен стрелец беше Андреј Јаневски, а за гостинскиот тим Кристијан Станојковски беше исто така двоен стрелец.
Утре Бутел ќе игра на домашен терен против Железарец, а колото ќе се комплетира во понеделник со мечот меѓу Клими и Шкупи кој се игра во Кавадарци и Проект кој сега ќе игра во Велес како домаќин против Кеги Моби кој е формален домаќин.
