Екипата на Овче Поле со 10:3 го декласираше Енхалон од Струга во рамки на 13. коло од Втората футсал лига на Македонија.
Тимот од Свети Николе до овој голем триумф дојде преку двојните стрелци Икица Јованов и Лука Наумов, како и погодоците на Дамјан Благоевски, Марио Панев, Александар Тосев, Никола Стојковиќ и Давид Бојковски, додека пак Христијан Будиноски си постигна автогол.
За стружани стрелци на мечот во Свети Николе против ланскиот прволигаш беа Христијан Будиноски, Љубиша Баткоски и Бојан Јанкоски.
Ланскиот прволигаш Карадаку на домашен терен во Липкоо со 4:7 загуби од ССК Скопје. Зејнула Мустафи постигна хет-трик за домаќинот, а вториот гол за Карадаку беше дело на Ељмедин Шерифи. За гостинскиот тим стрелци беа Дамјан Ѓуровски со два гола, а по еден гол постигнаа Бојан Димковски, Несим Сулејман, Спасе Здравевски, Борјан Цветановски и Реџеп Бислим.
Еден од фаворитите за Прва лига, екипата на Балкан на домашен терен со 8:4 славеше против Конзули од Битола. Енис Реџеп постигна три гола за домаќинот, по двапати погодија Кадри Амза и Ибрахим АЛији, а пак еден гол беше дело на Фестим Балиќи.
За гостинскиот тим од Битола двоен стрелец беше Темур Емини, а по еден гол постигнаа Марјан Јовановски и Муса Веизовски.
Како што веќе објави Спортска Мрежа, во петокот во рамки на воведниот меч екипата на СЕЕ Университи беше убедлива со 7:4 против Каршиака, а пак мечот од саботата кој требаше да се игра во Пробиштип во спортската сала „Софија Петровска“ меѓу Кратово и Победа не се одигра, поради тоа што гостинскиот тим од Прилеп не допатува во Пробиштип, така е заведено во записникот од мечот во делот на примедби на делегатот.
„Натпреварот уредно пријавен во МВР. На терен присутни, лекар, службени лица (судии и контролор на мечот) играчите на домашната екипа КМФ Кратово.По чекање од 30 минути, гостинската екипа КМФ Победа Прилеп не се појави на терен за игра.“
Денес во Брвеница екипата на Партизан Југ ќе игра против лидерот на табелата Мал Ајакс од Штип.
