Фудбалскиот клуб Јанг Тим од Струга кој важи за расадник на фудбалски таленти и една од најдобрите школи во Македонија во иднина ќе има уште подобри услови за работа.
Теренот во струшкото село Мороишта каде што работи академијата на Јанг Тим предводена од искусните тренери Сеит Крека и Милот Лена, доби рефлектори.
Тоа значи дека во иднина Јанг Тим ќе може да одржува тренинзи и во вечерни услови, со што значително се добива на нови термини односно тренинзи за работа.
Ова е уште еден голем исчекор бидејќи младите фудбалски таленти од овој крај на Македонија ќе имаат можност да тренираат и во вечерни услови и со тоа да го осетат и ноќниот амбиент за тренинг и подготовка за натпревари.
- ПОГЛЕДНЕТЕ ГО АМБИЕНТОТ И КАКО ИЗГЛЕДААТ ТРЕНИНЗИТЕ НА ЈАНГ ТИМ ПОД РЕФЛЕКТОРИ:
Јанг Тим е успешна школа предводена од двајцата лиценцирани и едуцирани тренери Сеит и Лена, школа која располага со 140 деца на возраст од 5 до 14 години, а клубот покрај со теренот со природна трева во село Мороишта, располага и со два мали терени со вештачка трева во Струга.
Клубот е редовен учесник на големи европски турнири, од каде се враќа секогаш со големи резултати и први места, а клубот има одлична соработка со фудбалски гиганти како Барселона, Манчестер Сити, Атлетико Мадрид, Јувентус, Порто, Аталанта, Парид Виена, Валенсија, Милан, Базел и други европски гиганти, а ова е одлична можност за развој на младите таленти кои ќе се натпреваруваат против играчи од големи фудбалски академии, најдобри во целиот свет.
Јанг Тим веќе работи под рефлектори односно започнаа тренинзите во вечерни термини, што ќе биде особено олеснителна околност за работа во летен период кога преку ден температурите се високи.
