Екипата на Беласица со убедливи 4:0 го декласираше Вардар Неготино во рамки на 17. коло на Втората лига на стадионот „Благој Истатов“ во Струмица.
Шефот на стручниот штаб на Беласица, Александар Стојанов за Спортска Мрежа го искоментира натпреварот и го кажа своето видување на мечот против тимот од Неготино.
Стојанов вели дека од прва до последна минута Беласица доминирала на теренот, а притоа додава дека резултатот можел да биде уште поубедлив.
„Честитки за моите играчи кои одиграа добар натпревар, од првата до последната минута бевме ние тие кој доминиравме на теренот во секој поглед на фудбалската игра и резултатот според прикажаното е реален, а можеше да биде и уште поубедлив доколку ги реализиравме и останатите стопроцентни шанси. Овој натпревар го оставаме зад нас и се насочуваме кон следните предизвици“, изјави Стојанов за Спортска Мрежа.
Беласица дојде до првата пролетна победа, сега се проби на десеттото место со 22 бодови, а во следното коло ќе игра против Охрид на „Билјанини Извори“.
Беласица склопи одличен тим, спој на млади и талентирани играчи со неколку искусни фудбалери, со што струмичани имаат огромен потенцијал за следните сезони со што Беласица повеќе од јасно е дека во следната сезона ќе биде конкурентен тим во горниот дел од табелата.
