Екипата на Светлост од Зрновци одигра нов пријателски натпревар против четвртолигашот Тополка, каде третолигашот со 3:2 беше подобар противник.
Искусниот Влатко Коцев во 24. минута постигна гол за 1:0, резултат со кој се замина на полувреме. Во вториот дел Илија Шуманов во 60. минута стрелаше за 2:0, а пак Стефан Стефановски четири минути подоцна погоди за високи 3:0.
Тополка преку Виктор Картинов во 77. минута намали на 3:1, а пак Матеј Димовски во 84. минута ги постави конечните 3:2 на пријателскиот меч кој се играше на теренот во Зрновци.
Екипата на Светлост Зрновци на 2. март ќе ја одигра „генералката“ против лидерот во Трета лига – Исток, Слога Виница пред почеток на пролениот дел, кој е закажан за 9. март.
Екипата на Светлост од Зрновци пролетниот дел го отвара на домашен терен против Овче Поле, а есенскиот дел го заврши на осмото место со осум бодови.
