Кожуф со минимални 1:0 славеше против Вардарски во дербито на Југот во Гевгелија, а во рамки на 17. коло на Втората македонска фудбалска лига.
Искусниот фудбалер Сашо Дуков одново носи бодови за својот тим, откако го постигна победничкиот гол вреден три бодови за тимот на Кожуф.
Дуков и во претходното коло постигна гол во финишот против Саса за 1:1, тој стрелаше во против својот поранешен клуб, а од таа ситуација Кожуф извлече бод.
Вардарски со само пет бодови сега останува „забетониран“ на дното од табелата и шансите ги гледа само кон баражот за можен опстанок, а пак Кожуф сега прогреси на табелата до осмото место на табелата со 26 бодови, а толку има Детонит Плачковица кој е седми и Скопје кој е шестти.
Дуков во тековната сезона има постигнато осум погодоци, шест во дресот на Охрид и сега два во дресот на Кожуф, односно Дуков има фантастичен ефект, стрелаше на двата натпревари за неговиот нов клуб од Гевгелија.
