Фудбалерите на Победа вчера во Велес забележаа минимална (0:1), но огромна победа против Борец во дербито од долниот дел на табелата, во дерби на два екс прволигаши и во дерби за опстанок во Втората лига.
Победа сега одново се врати на 12-тото место со 19 бодови и има десет повеќе од бараж зоната каде е Осогово односно 14-тото место, а дури 13 повеќе од зоната за директно испаѓање односно 15-тото место каде што е Борец со шест бодови.
Прилепскиот тим сега е на добар пат да обезбеди опстанок порано и со тоа да има мирна завршница од сезоната, а пак Борец ќе биде во позиција каде ќе се сведува на борба за тоа 14-то место односно борба за баражот заедно со Осогово.
„Жетварите“ пак извлекоа тежок бод, златен бод од Автокоманда, каде на „Железарница“ одиграа 0:0 против фаворитот Скопје и со тоа Осогово сега има девет бодови, но и натаму е во бараж зоната со три повеќе Борец.
Ќе биде навистина неизвесна и тешка борба за Вардарски, кој е на дното со пет бодови, но се чини дека ова екипа иако комплетно го промени ростерот ќе нема капацитете за опстанок, Борец и Осогово ќе биде до последно коло до таа борба за баражот, а пак Вардар Неготино и Победа сега имаат позиција каде ќе завист сами од себе и со неколку победи во следните кола ќе го потврдат опстанокот.
Притисокот секако ќе биде кај Борец и Осогово, а пак Вардар Неготино и Победа веќе имаат лагодност и имаат право на „грешки“, но сигурно е дека не би сакале да ги имаат тие грешки.
Во следното коло Вардарски дома ќе игра со Детонит Плачкоица, Новаци ќе го пречека Борец, Осогово ќе биде домаќин на Кожуф, Вардар Неготино ќе игра против Скопје.
