Ракометниот клуб Радовиш дополнително се засилува за вториот дел од сезоната, Бразилецот Александер Антонио Сантош пристигна во македонскиот суперлигаш.
Се работи за 30-годишен играч кој доаѓа од косовскиот шампионат, каде настапуваше за екипата на Кастриоти, а се очекува да биде големо засилување и освежување во редовите на РК Радовиш за пролетниот дел од сезоната односно за плеј-аут сегментот.
Сантош може да игра како десен бек и десно крило, а негово деби се очекува да биде веќе овој викенд против Борец Ф.Л. во Велес, а во рамки на 19. коло од Суперлигата.
Спортска Мрежа беше на еден од тренинзите на РК Радовиш каде можевме да го видиме и новото бразилско засилување на радовишани, Сантош веќе неколку денови работи и се подготвува со новата екипа, пред се за најважното борбата во плеј-аутот за директен опстанок на РК Радовиш.
- ТРЕНИНГ НА РК РАДОВИШ СО БРАЗИЛЕЦОТ АЛЕКСАНДЕР АНТОНИО САНТОШ:
