Репрезентативката на Македонија до 19 години, Јована Павловска го направи својот прв интернационален трансфер откако го засили тимот на Легија од Варшава, со што Павловска од струшки Ас Јунајтед се сели во Полска.
18-годишната битолчанка низ својата кариера покрај за Ас Јунајтед од Струга има настапувано и за Тиверија Брера, прилепска Цевитана, како и за Атлетико од Битола од каде и ја започна својата фудбалска кариера.
„Ова е мој прв интернационален трансфер, очекувам со новиот клуб да имаме многу успеси и да влеземе во Првата лига. Атмосферата е феноменална и многу добро ми оди со соиграчите“, изјави Павловска за Спортска Мрежа.
Павловска е член на репрезентацијата на Македонија до 19 години и важи за голем талент со голем потенцијал за голема кариера во иднина.
