Прволигашот Скопје на пријателски натпревар кој се одигра на теренот со вештачка трева при СРЦ „Билјанини Извори“ во Охрид со 2:1 го совлада шампионот на Црна Гора, Брезница.
На овој меч стратегот Илија Мандаров имаше можност да ја провери формата на своите фудбалери за пролетниот дел од Првата женска фудбалска лига. До триумфот тимот на Скопје дојде преку погодоци на Сара Коларовска и Мила Панева.
Одигран одличен натпревар против шампионот на Црна Гора, тест кој беше вистинска можност за проверка на формата, а фудбалерките на Скопје беа одични во текот на сите 90 минути.
Скопје презимува на четвртото место на табелата во Првата женска фудбалска лига, а пролетниот дел го отвара против Каменица Саса на домашен терен, но во рамки на 16. коло или второто пролетно коло, бидејќи во првото пролетно коло Скопје ќе биде слободен.
Екипата на Скопје е во четвртфиналето од Купот на Македонија, каде ќе се соочи против екипата на Истатов.
