Второлигашот Победа од Прилеп за пролетната полусезона на голманската позиција се засили со повратникот Иван Николоски, 22-годишниот голман доаѓа од албанскиот Поградец. Николоски се враќа во својот матичен клуб, а за 22-годишниот голман тоа ќе значи трето враќање во Победа.
Тој дресот на Победа го носеше од 2016 до 2017 година, како и во период од 2023 до 2024 година, а низ својата кариера покрај за Поградец и Победа има настапувано и за Каменица Саса, Беласица, Воска Спорт, Силекс, Велазерими, Дрига Работнички и Брегалница.
Како што дознаваме во Победа започнуваат да дуват позитивни ветрови, но колку тоа ќе може да се рефлектира врз пролетниот дел од сезоната останува да видиме. Победа како што веќе информираше Спортска Мрежа се засили со неколку играчи и ќе се обиде да обезбеди ран опстанок и да има мирна завршница од сезоната со цел да не се повтори ланската сезона кога Победа преку бараж се спаси и остана во лигата.
Во сабота против Брегалница екипата на Победа го отвара пролетниот дел.
