Третолигашот Светлост од Зрновци за пролетната полусезона во Третата лига – Исток се засили со неколку нови играчи, со кои сака да го подигне клалитетот, а ќе атакува на што повисок пласман на табелата.
Светлост Зрновци кој е предводен од тренерот Славчо Гиздовски се засили со Дејвид Иванов, Стефан Стефановски и Славче Митовски кои доаѓаат од второлигашот Осогово, потоа со Илија Шуманов од Слога Виница, Филип Арсов од Карбинци, Леон Трајанов и Столе Тодоров кои пристигнаа од екипата на Атлетико 2021, а на голманската позиција Светлост од Зрновци се засилува со Мики Горгиев кој е повратник од ФК Зрновка.
Гиздовски за Спортска Мрежа вели дека ќе бидат одиграни три пријателски натпревари со цел да се провери формата пред почетокот на вториот дел од сезоната. Целта на тимот е да има успешни зимски подготовки и поспремен да влезе во вториот дел од сезоната, во однос на тоа кога летните подготовки ги започна подоцна и тоа се рефлектираше во некоја мера врз резултатите во есенската полусезона.
Првиот пријателски меч кој ќе го одигра Светлост Зрновци ќе биде против екипата на Малеш од Берово, а потоа ќе следуваат уште две контролни средби. Поради заминување во странство Борис Донев го напушти Светлост Зрновци.
Исто така, општина Зрновци се вложува и во подобрување на инфраструктурата на стадионот во општината каде што настапува Светлост, со цел да биде во добра кондиција и во иднина да има подобри услови за тренинг, но и игра. Општината од типот како што е Зрновци е максимално посветена на поддршка на спортот за подобри услови, а ФК Светлост успешно опстојува на фудбалската карта на Македонија, каде шанса добиваат младите играчи, кој преку клубот ќе го истакнат својот потенција и талент за прогрес кон клуб од повисок ранг на натпреварување.
Пролетната полусезона екипата на Светлост ја отвара на домашен терен, а во Зрновци ќе го пречека Овче Поле од Свети Николе, а пролетниот дел ќе започне на 9. март.
Минатата сезона Светлост Зрновци беше шампион во Општинската фудбалска лига во Кочани и како шампион обезбеди место во Третата лига – Исток.
