Ракометниот клуб Радовиш склопува тим со кој најавува голема борба за опстанок во ракометната елита на Македонија, а за таа цел беа ангажирани повратниците Ивица Илиев и голманот Славјан Паунов, со што тимот предводен од тренерското дуо Спасе Ѓоргиев и Александар Долдуров има искусни играчи за најважните битки кои ќе следуваат во плеј-аутот.
Радовиш нема триумф, само едно реми против велешки Бисинов, а токму голгетерот Илиев и Паунов доаѓаат од Бисинов, нивното искуство е големо и тек како ќе помагаат во борбата за опстанок.
Во Радовиш конечно започнаа да се случуваат позитивни работи, според информациите на Спортска Мрежа се очекува уште некое засилување со што Радовиш ќе има силен тим пред се за тие натпревари од плеј-аутот.
Тимот досега се засили со пивотот Томче Трајчевски, како и со средниот бек Петар Цветковски, а со другите неколку засилувања од странство тимот ќе биде конкурентен за опстанок.
Викендот Радовиш на домашен терен во реновираниот спортски храм СРЦ „25 Мај“ ќе ја пречека Струга, меч кој за радовишани е идеален по мерка за да дојдат до првото сезонско славје, а до крајот на петте натпревари од регуларниот дел ќе се обидат да го напуштат дното и ако можат да пренесат некој бод за плеј-аутот.
Спортска Мрежа вечерва е во СРЦ „25 Мај“ каде го следиме тренингот на РК Радовиш, тука се Илиев и Паунов, атмосферата во екипата е на одлично ниво, расположение на високо ниво, се работи максимално посветено и тимот се подготвува за мечот со Струга, а со една цел да се израдува и домашната публика на прва сезонска радост.
- ПОГЛЕДНЕТЕ ДЕЛ ОД АТМОСФЕРАТА ОД ТРЕНИНГОТ НА РК РАДОВИШ:
Радовишката јавност овој викенд сигурно е дека биде во голем број во СРЦ “25 Мај” да даде силна поддршка на РК Радовиш.
