Светската куќа на фудбалот (ФИФА) им стави забрана за трансфери на второлигашот Брегалница и прволигашот Шкупи, така е на последната објавена листа на клубови кои имаат забрана за трансфери.
Пред неколку денови на ова листа беше и прволигашот Воска Спорт од Охрид, кој го плати долгот и клубот е ослободен за вршење на регистрација на нови играчи односно е симнат од оваа листа.
Ваквите забрани за трансфери од страна на ФИФА доаѓаат најчесто поради некаков долг кон играч или тренер, а забраната се става по нивна пријава.
Забраната за трансфери Брегалница ја има добиено на 24. јануари годинава, така е наведено во листата објавена од страна на ФИФА, а пак Шкупи, кој најавуваше дека ќе ги реши овие работи, останува и натаму на листата за забрана на трансфери, првата забрана е на 26. декември 2024 година, а втората е на 9. јануари 2025 година.
- ОФИЦИЈАЛНАТА ЛИСТА НА ФИФА ЗА ЗАБРАНА ЗА ТРАНСФЕРИ НА ШКУПИ И БРЕГАЛНИЦА:
Шкупи и Брегалница имаат забрана за трансфери во следните три преодни рока, а секако дека доколку се работи за долг и истиот биде платен, тогаш забраната веднаш ќе биде тргната, како што беше случајот со Воска Спорт.
Останува да видиме како тоа ќе се рефлектира врз Шкупи, но и врз Брегалница, која пак води борба за враќање во Првата лига.
Шкупи преку клупско соопштение излезе и најави дека ќе се решат овие проблеми со цел клубот да може да прави трансфери, додека пак од Брегалница засега молк и нема никаква реакција од нивна страна.
