Третолигашот Карбинци за пролетниот дел од сезоната се засили со девет нови играчи, со што се комплетираше трансфер пазарот кај овој клуб. Се работи за Сашко Соколов, Филип Слободановски, Филип Миташев, Христијан Крстов, Никола Илиевски, Синиша Петров, Саше Донев, Никола Манев и Оскар Сулиман.
Соколов е повратник во редовите на Карбинци, а доаѓа од екипата на Раиферсен Писторф од Австрија, Филип Слободановски и Филип Миташев во пакет од Вардар Неготино доаѓаат во Карбинци, од Хрватска се враќа поранешниот играч на Осогово Христијан Крстов, а од кочанскиот второлигаш доаѓа и Никола Илиевски.
Петров доаѓа од Овче Поле, а пак Донев е поранешен играч на Рудар од Пробиштип, додека Манев е член на младинските категории на Брегалница од Штип. За Сулиман екипата на Карбинци ќе биде негов прв клуб за кој ќе настапува.
Екипата на Карбинци утре ќе ги започне подготовки за пролетниот дел од сезоната, кој ќе започне на 9. март, а Карбинци во првото пролетно коло ќе гостува во Пирава кај Ударник.
