Нов клуб за пролетната полусезона ќе има македонскиот интернационалец Стефан Деспотовски, кој во српскиот тим пристигна од редовите на Шериф Тираспол од Молдавија, каде немаше доволно минутажа, па сосема очекувано прави преселба.
22-годишниот фудбалер потекнува од младинската школа на Црвена Звезда, а беше дел од тимот на Графичар од Србија, како и Работнички во македонскиот шампионат.
Деспотовски настапуваше за кадетската репрезентација на Србија, а потоа одлучи да настапува за репрезентацијата на Македонија до 21 година.
Новиот тим на Деспотовски се наоѓа на четвртото место на табелата во српската Суперлига со 33 бодови на своето конто, а веќе овој викенд во рамки на 22. коло ОФК Београд ќе игра против Напредак.
