Втората футсал лига носи неизвесна пролет кога е во прашање борбата кои две екипи да обезбедат влез во Првата футсал лига на Македонија.
Неколку екипи ќе ја водат таа пролетна борба, а само две екипи ќе може да го обезбедат „билетот“ кои води кон футсал елитата на Македонија за сезона 2025/2026.
Пролетниот дел започна минатиот викенд кога беа одиграни натпревари од 10. коло, кое коло не направи промени на табелата во Втората футсал лига. Лидер останува и натаму Мал Ајакс од Штип кој на своето конто има 27 бодови, втор е Балкан со 21 бод, но екипата на Балкан има меч помалку во однос на штипјани. На третото место е тимот на Кораби од Дебар кој има 19 бодови, кој има меч повеќе во однос на Балкан, потоа на четвртото место е Овче Поле од Свети Николе со 18 бодови, исто така и овој тим има меч помалку во однос на Мал Ајакс и на Кораби.
Овие четири екипи ќе ја водат таа пролетна борба за првите две места, а од сента ќе напаѓа и тимот на Каршиака, а на таква борба сака приклучок да фати и Енхалон од Струга.
- ЦЕЛАТА ТАБЕЛА ОД ВТОРАТА ФУТСАЛ ЛИГА НА МАКЕДОНИЈА:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | КМФ МАЛ АЈАКС | 10 | 9 | 0 | 1 | 52 | 30 | +22 | 27 |
| 2 | ФК Балкан 2017/КМФ | 9 | 7 | 0 | 2 | 67 | 49 | +18 | 21 |
| 3 | КМФ Кораби | 10 | 6 | 1 | 3 | 71 | 49 | +22 | 19 |
| 4 | КМФ ОВЧЕ ПОЛЕ 2013 | 9 | 6 | 0 | 3 | 54 | 28 | +26 | 18 |
| 5 | КМФ КАРШИАКА 1996 | 9 | 5 | 1 | 3 | 53 | 36 | +17 | 16 |
| 6 | КМФ ЕНХАЛОН 2020 | 9 | 5 | 0 | 4 | 40 | 39 | +1 | 15 |
| 7 | КМФ СЕЕ-УНИВЕРСИТИ | 10 | 4 | 0 | 6 | 52 | 48 | +4 | 12 |
| 8 | ФК Партизан Југ Брвеница/КМФ | 9 | 4 | 0 | 5 | 48 | 47 | +1 | 12 |
| 9 | КМФ КРАТОВО | 9 | 4 | 0 | 5 | 52 | 53 | -1 | 12 |
| 10 | КМФ ССК 1965 Скопје | 9 | 3 | 0 | 6 | 45 | 46 | -1 | 9 |
| 11 | КМФ КОНЗУЛИ Битола | 9 | 3 | 0 | 6 | 34 | 41 | -7 | 9 |
| 12 | КМФ ПОБЕДА Прилеп | 9 | 3 | 0 | 6 | 59 | 72 | -13 | 9 |
| 13 | КМФ КАРАДАКУ | 9 | 0 | 0 | 9 | 27 | 116 | -89 | 0 |
