Шампионот Струмица со триумф над Работнички, високи победи за Штип УГД и Весна Пробиштип

Овој викенд започна пролетната полусезона од Првата одбојкарска лига во машка конкуренција, каде беа забележани неколку убедливи и доминантни победи.

Актуелниот шампион Струмица забележа победа од 3:0 во сетови против Работнички, но противникот пружи силен отпор и се обиде да парира. Првиот сет заврши со 26:24, вториот со 25:23, а пак во третиот сет струмичани беа подобри со 25:16.

Актуелниот освојувач на Купот на Македонија, екипата на Штип УГД со 3:0 беше пресилен за Универзитет Тетово со тотална доминација во сите три сетови (25:19, 25:13, 25:10).

Екипата на Борец не виде мака на домашен терен против Шкендија за 3:0 во сетови (25:19, 25:13, 25:15).

Екипата на Сушево го изненади Скопје на гостински терен и го совлада со 0:3 во сетови. Гостинскиот тим беше одличен во првиот сет со 17:25. Во вториот сет Скопје се обиде да парира, но немаше сили и сетот го загуби со 23:25, а во третиот сет одбојкарите на Сушево беа подобри со 21:25.

Натпреварот меѓу Лирија и Јанта Волеј беше најнеизвесниот и највозбудливиот во првото пролетно коло кој заврши со 3:2 во сетови за екипат на Лирија или низ сетови тоа би било 17:25, 25:20, 25:15, 21:25, 15:9.

Екипата на Весна Џио забележа победа со 0:3 во сетови против екипата на Македонија Џио на гостински терен, за 19:25 во првиот сет, во вториот сет домаќинот се обиде да парира, но пак го загуби сетот со 24:26, а со ист резултат го загуби и третиот сет.

• ЦЕЛА ТАБЕЛА ОД ПРВАТА ОДБОЈКАРСКА ЛИГА ВО МАШКА КОНКУРЕНЦИЈА: