Есенскиот шампион во Втората футсал лига на Македонија, екипата на Мал Ајакс, со триумф среде Прилеп над Победа го отвори пролетниот дел од сезоната. Штипјани беа подобри со резултат од 2:6.
Стрелци за прилепскиот тим беа Виктор Алексоски и Стефан Спиркоски, додека пак за тимот од Штип хет-трик постигна Иса Дурмишов, двоен стрелец беше Даниел Стојанов, а еден гол постигна Ангел Белчовски.
Со овој натпревар вечерва се комплетираше 10. коло или првата пролетна рунда во Втората футсал лига.
Како што веќе информираше Спортска Мрежа колото беше отворен во петокот со победата на Балкан над СЕЕ Университи од 7:8. Вчера, Каршиака со 15:2 славеше над Карадаку, Енхалон беше подобар од Кратово со 7:1, Конзули славеше над Партизан Југ со 6:3, ССК загуби од Кораби со 5:9.
Во текот на утрешниот ден ќе имате можност на Спортска Мрежа да ја погледнете анализата на табелата од Втората футсал лига.
