Поранешниот второлигаш Питу Гули од Крушево за пролетната полусезона во Третата македонска фудбалска лига – Југ се засили со неколку играчи. Се работи за Фитим Рустеми, Никола Ѓорѓиев, Идризали Сулејманоски, Мартин Николоски, Аделин Демири и Самир Салиу.
Рустеми има 23 години и во Питу Гули доаѓа од редовите на Братство Големо Коњари, 19-годишниот Ѓорѓиев е повратник во редовите на Питу Гули, а доаѓа од редовите на Младост од Кривогаштани, тој дресот на тимот од Крушево го носеше во период од февруари 2020 до септември 2023 година.
Сулејманоски има 24 години и пристигна од редовите на Братство Големо Коњари, има настапувано и за Слога Лажани и Врбјани, Николски има 18 години, доаѓа од редовите на прилепска Победа, а има настапувано и за младинските категории на Македонија ЃП и Брера Струмица. Демири е најмладиот играч меѓу овие нови засилувања, има 17 години, а доаѓа од редовите на Братство Големо Коњари.
20-годишниот Салиу во редовите на Питу Гули од Крушево пристига исто така од редовите на Братство Голем Коњари.
Екипата на Питу Гули есенскиот дел од сезоната го заврши на осмото место со 16 бодови на своето конто, а пролетниот дел од сезоната го отвара против есенскиот шампион Голем Коњари на домашен терен, а тоа ќе биде дерби меч каде тимот на Големо Коњари силно ќе ги посакува трите бодови на патот кон потврда на првото место кое води кон баражот за Втора лига.
