Вечерва со воведниот меч од 10. коло започна пролетната полусезона во Втората футсал лига.
Екипата на Балкан преку голем пресврт го совлада СЕЕ Университи во Тетово со 7:8 и победнички ја започна 2025 година и мисијата за обезбедување на место во Првата футсал лига.
Иако на полувреме екипата на Балкан имаше голема негатива од 6:2, сепак во вториот дел се случи голем пресврт, откако тимот на СЕЕ Университи во вториот дел постигна само еден гол, а пак Балкан успеа да постигнат шест гола и да направи комплетен пресврт за конечни 7:8.
За домашниот тим двоен стрелец беше Адис Фетаи, а по еден гол постигнаа Хисен Мемеди, Амин Шаќири, Едис Муртезани, Зеќирија Османи и Гезим Азизи. За тимот на Балкан стрелец на пет гола беше голгетерот Ибрахим Алији, два гола постигна Јусуф Сулејмани, а еден гол постигна Џељал Мјаку.
Утре, Каршиака ќе се соочи со Карадаку, Енхалон ќе биде домаќин на Кратово, Конзули ќе игра со Партизан Југ од Брвеница, а пак ССК против Кораби. В недела, колото ќе се комплетира со мечот меѓу Победа и Мал Ајакс во Прилеп.
