Фудбалскиот клуб Атлетико 2021 прослави три години од неговото постоење, а по тој повод беше организиран третиот турнир по ред за деца.
На истиот настапија генерација 2011, генерација 2013/2014 и генерација 2015.
Во генерација 20211 победник беше Нова Колонија од Скопје, на второто место заврши Академија Осогово од Крива Паланка, а на третото место Атлетико 2021.
Најдобар играч беше Бафтијар Нено од Нова Колонија, најдобар стрелец Наум Крстевски од Академија Осогово од Крива Паланка, а пак најдобар голман беше Леон Стаменковски од Академија Осогово.
Во генерација 2013/2014 прво место беше Академија Осогово од Крива Паланка, на второто место Осогово од Кочани, а на третото место заврши домаќинот Атлетико 2021.
Најдобар играч беше Христијан Стоилов од Осогово од Кочани, Петар Иванов од Атлетико 2021 беше најдобар стрелец, а пак најдобар голман беше Матеј Милковски од Академија Осогово од Крива Паланка.
Во генерација 2015 прво место освои екипата на Форца Постолов Пандев од Штип, на второто место заврши Атлетико, а пак на третото место екипата на Нова Колонија.
Најдобар играч во оваа генерација беше Филип Андоновски од Форца Постолов Пандев, најдобар стрелец Леон Заов од Атлетико 2021, а пак Дино Манев беше најдобар голман од Форца Постолов Пандев.
На овој трет турнир учество земаат екипите на Нова Колонија од Скопје, Академија Осогово од Крива Паланка, Ранковце, Форца Постолов Пандев од Штип, кочански Осогово, Младост Тошев од Оризари и Атлетико.
Поддржувачи на овој спортски настан беше општина Чешиново Облешево и општина Зрновци, а Спортска Мрежа медиумски го подржува овој спортски настан.
Александар Ванев, Спортска Мрежа
