Изминатиот викенд се одиграа натпреварите од 3. коло во Првата женска фудбалска лига, кое ќе се комплетира со одложениот меч на Речица и Топ Гол.
По три одиграни кола најдобар стрелец е Ана Димитровска, фудбалерката на Каменица Саса која има постигнато девет погодоци.
Тчеури Харуми Гоја, која настапува за Тиверија Брера е втора на листата на стрелци со пет погодоци, а на третото место со четири погодоци е Билјана Панеска од Тиверија Брера.
По три погодоци имаат Радица Велкова од Каменица Саса и Сара Евтинџиоска од Скопје 2014.
Шест фудбалерки постигнаа по два погодоци, а додека пак 21 фудбалерка се во листата на стрелци со по еден погодок. Засега нема постигнати автоголови.
Александар Ванев, Спортска Мрежа
