Третолигашот Слога Виница од вчера започна да ја реализира главната фаза од зимските подготовки во Дојран, каде во СЦ „Истатов“ ќе се подигра формата за пролетниот дел, а ќе бидат одиграни и два пријателски меча во Дојран.
Вкупно 26 фудбалери, од кои четири од младинската школа на клубот веќе се во Дојран, каде ќе одиграа пријателски натпревари против второлигашите Кожуф и Вардар Неготино.
Клубот ќе остана седум дена во Дојран, каде СЦ „Истатов“ нуди одлични услови за подготовка и брусење на формата, затоа и Слога Виница се одлични за Дојран и СЦ „Истатов“.
Во пролетниот дел Слога Виница лесно ќе се прошета низ Трета лига – Исток, затоа фокусот веќе се става на баражот преку кои тимот сака да се врати во Втора лига.
Досега тимот се засили со Иван Настевски, Тони Мирчевски, Дарко Стојанов, Филип Николовски, Љупче Христовски, Антонио Столевски, Петар Љамчевски и Виктор Крстевски и Филип Петковски.
Клубот досега одигра еден пријателски меч против Каменица Саса кој заврши без голови, а во Дојран ќе следуваат два теста, првата фаза од подготовките тимот на Емил Грнев ја реализираше во Виница, по што се пресели во Дојран.
