Женскиот ракометен клуб Астибо од Штип за вториот дел од сезоната се засили со голманката Ана Марија Горговска и крилото Елена Димова. Двете во штипскиот клуб во пакет доаѓаат од екипата на Гевгелија.
„Млади, талентирани и амбициозни, тие доаѓаат од редовите на ЖРК Гевгелија и се подготвени да внесат нова енергија и квалитет во нашата игра“, велат од клубот.
Астибо првата цел ја реализираше со тоа што се избори за место во плеј-офот, а сега за пролетниот дел гради тим за прва победа и во плеј-офот. Штипскиот клуб во плеј-офот забележа два порази од Металург Автокоманда и од шампионот Ѓорче Петров, а вториот дел од сезоната го отвара против Чаир на домашен терен.
