Дефинитивно оваа сезона ќе биде најнеизвесна, најквалитетна и највозбудлива кога е во прашање ракометната Суперлга и борбата за титулата.
Вечерва беше комплетирано првото коло во кое Алкалоид го доби дербито на колото со Вардар со резултат од 33:30, со тоа момците на Кирил Лазаров најавуваат атак на титулата, откако минатата сезона го освоија Купот, а потоа и Суперкупот.
За кратко две големи победи на Алкалоид, откако момците на Лазаров во совладаа Еурофарм Пелистер и го освоија Суперкуот, во Автокоманда падна и Вардар за одличен старт на новата сезона.
Младите играчи на Лазаров покажаа одличен ракомет, покажаа карактер, физичка подготовеност, а тоа е одлична најава за квалитетна сезона.
Алкалоид одигра квалитетен натпревар, брз и модерен ракомет, а главната разлика за победата беше направена во второто полувреме кога Алкалоид влезе во серија и постигна четири погодоци, па со тоа веќе предноста само се одржуваше, а Вардар постојано бараше гол повеќе за да ја стопи таа предност, која на крај беше на плус три за конечните 33:30.
Со по осум погодоци Марко Митев и Мартин Серафимов беа најдобри кај Алкалоид, а пак кај Вардар најдобар беше Милан Лазаревски со шест погодоци, а еден помалк имаше Димитро Хориха.
Во следното коло Алкалоид одново игра на домашен терен против повратникот Радовиш, а пак Вардар ќе биде домаќин на најлијата Борец Фруитленд.
Александар Ванев, Спортска Мрежа
