Денес беа одиграни три од четири натпревари од Првата женска фудбалска лига, а мечот меѓу Речица и Топ Гол е одложен за 19. септември.
Тиверија Брера гостуваше во Битола кај повратникот Атлетико во меч на тотална доминација на струмичанки кои триумфираа со 0:6.
Билјана Панеска постигна хе-трик на мечот во Битола, а по еден гол постигнаа Викторија Недева, Тчеури Харуми Гоја и Кешлин Џејн Копли.
Со резултат од 6:0 триумфираше и екипата на Каменица Саса која го декласираше Истатов. Ана Димитровска со моќна партија постинга четири погодоци, а по еден гол постигнаа Гамарт Михаела и Драгана Костова.
Скопје со 3:0 го декалсираше Ас Јунајтед на домашен терен во меч каде трите погодоци паднаа во вториот дел. Сара Евтинџиоска во 51. минута погоди за 1:0, Елена Наумоска во 64. минута стрелаше за 2:0, а пак Теодора Настова во 73. минута ги постави конечните 3:0. Скопје од 72. минута играше со играч помалку поради два жолти картини на Драгана Гегова.
Со мечот меѓу Речица и Топ Гол ќе се комплетира 3. коло, а во оваа рунда одмараше екипата на Љуботен, која требаше да играше со Шкендија.
Александар Ванев, Спортска Мрежа
