Вчера започна новата сезона во Третата македонска фудбалска лига – Југ со натпреварите од 1. коло, но наместо со 14 екипи во новата сезона ќе настапуваат 13 екипи.
Екипата на Марена пред стартот на првото коло го откажа своето учество и нема да се натпреварува во новата сезона 2024/2025, а тоа ќе значи во секое коло по една слободна екипа, па така во рамки на првото коло слободна беше екипата на Обршани, која е повратник во Трета лига – Југ.
Петар Ристовски од екипата на Венес од с. Долни Дисан, која е нов член на Трета лига – Југ е најдобар стрелец со три постигнати погодоци.
На почетокот од новата сезона Бљорент Арифоски, фудбалерот на новајлијата Влазними Јуниор постигна два погодоци.
Во листата на стрелци со по еден гол се запишаа Беким Алимоски од Питу Гули, Васко Димов од Венес, Ваљмир Дурмишов од Башкими 2008, Михаил Јакопетревски од Ултарс, Емир Каришиќ од Слога, Армен Мемедов од Дреново, Мартин Мечев од Ултрас и Александар Чешелковски од Младост од Кривогаштани.
Следниот викенд на програмата ќе бидат натпреварите од 2. коло.
Александар Ванев, Спортска Мрежа
