Македонија се пласираше во следната фаза на Светското првенство, откако вечерва со превисоки 29:20 ја декласиравме Гвинеја, дебитантот на Светското првенство.
По 14:10 во првиот дел, во второто полувреме бевме уште подобри и стигнавме до конечни плус девет разлика на крајот од мечот.
Македонија како третопласирана во групата Д патува во главната фаза на Мундијалот.
Сосема очекувано капитенот на македонската ракометна репрезентација, Филип Кузмановски беше најефикасен со 12 гола, а пак Костески постигна четири гола, кај Гвинеја Лилијан Паске беше најдобар со само три реализации. Нашиот Кизиќ имаше 15 интервеции на голот на Македонија.
Утре е слободен ден за нашата репрезентација, а во вторник ќе играме против Австрија во Вараждин, меч од главната фаза.
