Штипјанецот Анџело Николовски од денес и официјално е нов фудбалер на есенскиот шампион во Втората македонска фудбалска лига, Македонија ЃП, тоа што го најави Спортска Мрежа се потврди.
Николовски доаѓа во редовите на „лавовите“ од Детонит Плачковица, каде настапуваше од август 2023 година и беше еден од клучните играчи на тимот. Во својата кариера, тој има играно и за Брегалница од Штип, Кит Го од Пехчево и Гостивар, носејќи значително искуство и квалитет во новиот клуб.
Македонија ЃП, како лидер на Втората лига со 38 бодови, во пролетниот дел има амбиција да го потврди првото место и да обезбеди експресно враќање во Првата македонска фудбалска лига. Тимот ја започнува пролетната сезона со натпревар на гостински терен против Охрид, со пет бодови предност пред второпласираната Брегалница.
Ангажманот на Николовски се очекува дополнително да ја засили играта на тимот во клучниот дел од сезоната.
