20-годишниот крилен фудбалер, Бесар Гуџуфи, одлучи да ја продолжи својата кариера во Албанија, а тоа значи заминува од редовите на македонскиот прволигаш Шкупи. По преговори со неколку клубови, Гуџуфи го избра тимот на Партизани од Тирана, со што ќе настапува во албанскиот шампионат.
Во следниот период треба да следи негова официјална промоција, а со тоа и да се приклучи на тимот, а со тоа да ги започне подготовките за пролетниот дел.
Во актуелната полусезона, Гуџуфи одигра 12 натпревари за Шкупи во Првата лига, забележувајќи еден гол и една асистенција. Претходно, тој беше дел од младинскиот состав на Бешикташ, а исто така настапуваше за струмичка Беласица и младинскиот тим на Вардар.
