Битолскиот прволигаш Пелистер и штипскиот фудбалер Бобан Георгиев, се разделија, информираше клубот од Битола. 27-годишниот фудбалер во Пелистер пристигна од охридскиот прволигаш Воска Спорт, но се задржа кратко, само една полусезона, по што кариерата ќе ја продолжи во нова средина.
Во својата кариера искусниот Георгиев има настапувано и за екипите на Металург, Брегалница и Силекс на домашната сцена, додека пак во Србија беше дел од Радник, а во Босна и Херцеговина го носеше дресот на Леотар Требиње и Борац Бања Лука.
Пелистер есенскиот дел го заврши на делба на 7. место со 19 бодови, а пролетниот дел го отвара против Брера Струмица во Битола.
